【搶「鮮」玩】香港激新景點《大富翁夢想世界 Monopoly Dreams》遊後記！
香港激新景點《大富翁夢想世界 Monopoly Dreams》係全球首個大富翁主題館，暫定將於10月26號正式開幕啦！！頭先小編去左搶「鮮」玩，番黎即刻就寫個後記同upload d相比各位粉絲睇睇！！
⠀⠀⠀⠀⠀⠀⠀⠀⠀⠀⠀⠀⠀⠀
《大富翁夢想世界 Monopoly Dreams》係位於山頂廣場入面，佔地2萬呎，入到去就好似置身大富翁世界咁！打卡位影相位仲有各種遊戲同埋4D電影館體驗通通有齊，大人細路都可以盡情感受各種大富翁元素！
入面可以體驗大富翁入面的經典元素如銀行、水務局、監獄、地契卡等等等等，遊戲有趣而且互動仲一流添！
一開始入場就會進入一架「升降機」，探訪大富翁先生嘅神秘大宅！ 「升降機」入面就會模擬上升緊咁，但其實就同一層黎嘅！
 |
跟住就會到達大富翁先生嘅神秘大宅嘞！
 |
 |
當然唔少得係會見到好多大富翁嘅珍藏啦！
 |
 |
 |
 |
跟住就會通過一條隧道有個必影打卡位, 可以坐係骰仔上面影相！
 |
 |
＜火車站(4D影院)>
通過完條隧道就會到達大富翁市鎮, 我地率先就去左由經典火車站變成嘅4D影院試玩, 唔比影相拍片所以就比唔到各位睇, 不過記得最好坐第1行就最過癮! 內容大概係講大富翁先生、他的小狗同偷鑽石小偷展開追逐，遊客將身歷其境，配合4D 特技效果，與大富翁先生一起上山下海，經歷重重歷險關卡，將小偷繩之於法！過程都幾刺激下，大人細路都啱玩呀！
<大富翁銀行>
大家可以係大富翁銀行度「搶錢」架！係限時之內盡"立"大富翁d錢，唔好以為得個玩字喎，搶到幾多可以當真錢係禮品店同小食店用架！！大富翁$10可以當港幣$1，大富翁$20可以當港幣$2 如此類推，每筆交易可以用3張！！
 |
 |
<大富翁水務局>
係一d電子互動遊戲黎, 好適合小朋友玩!
 |
 |
<大富翁地契>
呢個一定要黎玩呀, 可以係部機度輸入自己個大名, 就會print左張地契出黎 (邊個地段就隨機嘅, 無得簡), print完張地契仲可以係隔離部機度壓印添! 要黎留念一流!
 |
 |
 |
 |
<大富翁監獄>
跟住就黎到另一個必必必影嘅打卡位啦, 就係監獄啦, 入面有齊晒道具比你影架啦, 發揮創意任影唔嬲!
 |
 |
 |
 |
<大富翁金庫>
呢part除左有互動遊戲比一眾遊客試運氣，參加大富翁機會棋盤贏取獎品之外，仲係1個影相位，可以拎住d金影相，另外仲會有職員幫你影，有興趣購買可以最後去禮品店揀相，可以揀唔同背景效果！
 |
 |
 |
 |
<大富翁禮品店>
最後記得行下禮品店, 睇下有無精品想買啦! (記得可以用係大富翁銀行"立"番黎果d"錢"呀!!)
 |
 |
<大富翁小食店>
肚餓仲可以食下野! (記得可以用係大富翁銀行"立"番黎果d"錢"呀!!)
 |